Биз үчөөбүз 140 сомдук самсага кеңири тойдук. Дээри 1 кишиге орточо көлөмдөгү самса деле тоюмдуу болчудай. Анткени, фарш жалаң эт, куйрук майдан турган үчүн киши бат тоё түшөт.
Кыскасы, биз да курсакты кампайттык! :)
Ал эми самсаканада соода уланып жатты.
Кардар көп болгон күнү түшкө чейин "Ош самса" калбайт. Кечигип кетсе, кечки саат 4-5 ке барып толук сатылып бүтөт. Андан соң, кийинки күндүн камылгасы башталат. "Жол-жобону өзүмөн үйрөнгөн 10 чакты шакиртим да ушул эле айланада эмгектенишет. Самса соодасы өтө кирешелүү деп айтуудан деле алысмын. Тиричилик кылуудамын. Мен жасаган тамакты жактырып жеп турушса, бул мага стимул да", - деди самсачы.